Жамоат транспортларисиз ҳаётимизни тасаввур қилиш қийин. Буни биргина карантин кучайган ўтган йилнинг айни шу даврларида янада чуқур ҳис қилдик, десак, хато бўлмайди. Зеро, ҳамманинг ҳам шахсий автомобили бўлавермайди. Биласизми, узоғимизни беминнат яқин қилаётган жамоат транспортлари тарихи қачонга бориб тақалади?
Дунёдаги илк жамоат транспорти 1662 йил 18 мартда Франция пойтахти Парижда пайдо бўлган. Бу от қўшилган саккиз ўринли арава бўлган ва "омнибус" (ҳамма учун) деб номланган. Омнибус "паланкин ёки каретадан фойдаланиш имконияти бўлмаган шахслар учун" мўлжалланган бўлган.
Кейинчалик, бошқа шаҳарларда ҳам турли хил дизайндаги кўп ўринли йўловчи от аравалари — омнибуслардан фойдалана бошлашган. ХIХ асрга келиб, омнибуслар оммавий машҳурликка эришган.
