Фильм Индонезиянинг “Антара” миллий янгиликлар агентлиги томонидан индонез тилига таржима қилинган.
Премьера аввалида Индонезия Миллий кутубхонаси директори Муҳаммад Шариф Бандо нутқ сўзлади.
- Абу Али ибн Сино етук олим ва замонавий тиббиётнинг отаси, - деди у. - Кўп одамлар Абу Али ибн Сино асарларини бизнинг кутубхонамизда ўрганмоқда, аммо ростини айтганда, бу буюк олимнинг туғилган жойи Ўзбекистон эканлигини ҳамма ҳам билмайди. Шу сабабли, бугунги тадбир Абу Али ибн Синонинг ватани ҳақида кўпроқ маълумот берганидан жуда хурсандман.
Премьера доирасида кутубхона фондида сақланаётган Абу Али ибн Синонинг барча асарлари кўргазмаси ташриф буюрувчиларга тақдим этилди.
Фильм намойишидан сўнг ОАВ вакиллари ва иштирокчилар учун матбуот анжумани ўтказилди. Шунингдек, “Ўзбекистон ҳақида ким кўпроқ билади?” мавзусида викторина ташкил этилди. Викторинада Абу Али ибн Сино ҳаёти ва ижоди ҳамда Ўзбекистон тарихи тўғрисида саволлар берилди.
“Шарқдан нур” ҳужжатли фильми намойиши ҳафта охиригача давом этади.
