Музей Гресике шаҳрида жойлашган. Уни яратиш учун уч ой вақт кетди, шунингдек, ифлосланган дарёлар ва пляжларда тўпланган 10 мингдан ортиқ пластик чиқинди: идиш, сумка ва найчалар керак бўлди.
Музейнинг мақсади одамларни ўз одатларини қайта кўриб чиқишга чақириш ва бир марта ишлатиладиган буюмлардан воз кечишга ундашдир.
“Биз одамларга бир марта ишлатиладиган пластмасса буюмларнинг зарари ҳақида маълумот бермоқчимиз. Бу буюмларни қайта ишлаш жуда қийин. Бугундан пластмассадан фойдаланишни тўхтатишимиз керак, чунки улар бизнинг океанимизни ифлослантиради, биз истеъмол қилаётган озиқ-овқатларда ҳам ўзининг салбий таъсирини қолдиради”, — дейди Приги музейининг асосчиси Aрисанди.
Музейнинг марказий қисмида “Дэви Шри” деб номланган ҳайкал — фаровонлик маъбудаси жойлашган, унинг узун либоси бир марта ишлатиладиган пластмасса уй -рўзғор буюмларидан ясалган.
Қайд этилишича, платстмасса миқдори бўйича Хитойдан кейин иккинчи ўринда турадиган Индонезияда бу муаммо жуда кескин. Филиппин ва Вьетнамни ҳам ҳисобга олганда бу тўртта мамлакатдаги бир марталик буюмлар дунёда пластмассанинг ярмидан кўпини ташкил қилади.
