Қозоғистонда электрон хизмат кўрсатадиган халқаро Интернет гигантлари Google, Facebook, Amazon, Netflix ва бошқалар 2022 йил 1 январдан бошлаб солиқ тўлаши белгилаб қўйилди.
Келгуси йилдан бошлаб улар Қозоғистон бюджетига ҚҚС тўлашни бошлашлари керак.
“Google”га солиқ қўллаш республиканинг солиқ резиденти бўлмаган хорижий компаниялар қўшилган қиймат солиғини тўлашни назарда тутади, чунки улар ўз рақамли товарлари ва хизматларини Қозоғистонга импорт қилади.
Бу товарлар ва хизматлар рўйхати, масалан, Интернет орқали дастурий таъминот, компьютер ўйинлари ва маълумотлар базасидан фойдаланиш ҳуқуқини сотиб олишни ўз ичига олади. Бунга электрон китоблар, Интернетдаги расмларни сотиб олиш, мусиқий ва аудиовизуал асарларни кўриш ва тинглаш ҳам киради.
Солиқ маркетинг ва реклама соҳаларига таъсир қилади. У реклама хизматларини, шу жумладан реклама майдони, домен номлари ва хостинг хизматларини тақдим этиш, шунингдек, сайтлар статистикасини юритишни ўз ичига олади.
“Кўп компаниялар Google ва Facebook даги реклама харажатларини бухгалтерия бўлимида акс эттира олмайди, чунки хизмат кўрсатувчи провайдерларнинг дастлабки ҳужжатлари йўқ. Кўпинча, пул директорнинг картасидан олинади ва бу ҳаммаси”, деб тушунтиради Uchet.kz компаниялар гуруҳи асосчиси Максим Баришев.
Ўтган йилнинг ёзида Қозоғистон Миллий иқтисодиёт вазирлиги хорижий интернет -компанияларнинг потенциал даромадини йилига қарийб 2 миллиард тангага баҳолаган эди.
