Жабрланувчининг сўзларига кўра, йиртқич унинг оёғини шу қадар тез тишлаганки, у бунга ҳатто реакция билдиришга ҳам улгурмаган. Бундан ташқари, эркак нима бўлганини дарҳол тушунмаган. Оёғидан қон оқаётганини пайқагач, бошқа чўмилаётганларни қўрқитмасликка қарор қилиб, аввал сувга шўнғиган. Кейин у сувдан чиқиб, мустақил равишда тез тиббий ёрдам пунктига етиб борган.
Шифокорлар ярани даволашди. Кейинчалик мутахассислар эркакка мовий акула ҳужум қилганини аниқлади. Шундан сўнг пляж одамлар учун вақтинчалик ёпилди.
Жабрланувчининг айтишича, содир бўлган воқеа уни қўрқитмаган.
Мовий акула бу балиқларнинг энг кенг тарқалган турларидан биридир. Унинг ўртача узунлиги – 3,5-4 метр. Ўртача вазни – 150-200 килограмм. Мовий акулаларнинг одамларга ўнлаб сабабсиз ҳужумлари қайд этилган, уларнинг баъзилари ўлимга олиб келган, деб хабар беради tengrinews.kz.
