8 июнда савдо бошланишида Brent нефтининг август ойида етказиб бериладиган фьючерслари олдинги савдо куни ёпилиш нархига нисбатан 3,6 фоизга ошиб, бир баррели 96,7 долларни ташкил этди.
WTI маркасидаги Америка нефтининг нархи ҳам ошиб, бир баррели 93,5 доллар бўлди. Urals нефтининг нархи бир баррель учун тахминан 86,3 доллардан сотиляпти.
Нефть нархларининг ошиши Яқин Шарқдаги вазиятнинг кескинлашиши ва Форс кўрфазидан нефть ва газ етказиб бериш билан боғлиқ хавотирлар билан боғлиқ, деб хабар берди Kazinform.
Мутахассисларнинг фикрига кўра, Қўшма Штатлар, Исроил ва Эрон ўртасидаги можаронинг 100 кунида жаҳон савдо учун стратегик аҳамиятга эга бўлган Ҳормуз бўғозидан тахминан 1000 та кема ўтган. Бу одатда бир ҳафта ичида бўғоздан ўтадиган кемалар сони билан бир хил.
7 июнь оқшомида Эрон Исроилнинг шимолига ракеталар отди. The Times of Israel нашрининг хабар беришича, бу - апрелдан бери биринчи марта содир бўлган ҳужум. Теҳрон буни Исроилнинг Ливандаги ҳаракатларига жавоб деб атади.
