8-iyunda savdo boshlanishida Brent neftining avgust oyida yetkazib beriladigan fyucherslari oldingi savdo kuni yopilish narxiga nisbatan 3,6 foizga oshib, bir barreli 96,7 dollarni tashkil etdi.
WTI markasidagi Amerika neftining narxi ham oshib, bir barreli 93,5 dollar bo‘ldi. Urals neftining narxi bir barrel uchun taxminan 86,3 dollardan sotilyapti.
Neft narxlarining oshishi Yaqin Sharqdagi vaziyatning keskinlashishi va Fors ko‘rfazidan neft va gaz yetkazib berish bilan bog‘liq xavotirlar bilan bog‘liq, deb xabar berdi Kazinform.
Mutaxassislarning fikriga ko‘ra, Qo‘shma Shtatlar, Isroil va Eron o‘rtasidagi mojaroning 100 kunida jahon savdo uchun strategik ahamiyatga ega bo‘lgan Hormuz bo‘g‘ozidan taxminan 1000 ta kema o‘tgan. Bu odatda bir hafta ichida bo‘g‘ozdan o‘tadigan kemalar soni bilan bir xil.
7-iyun oqshomida Eron Isroilning shimoliga raketalar otdi. The Times of Israel nashrining xabar berishicha, bu - apreldan beri birinchi marta sodir bo‘lgan hujum. Tehron buni Isroilning Livandagi harakatlariga javob deb atadi.
