“Иккала жамоани ҳам қийин учрашув кутиб турибди. “Насаф” тарихи бой ва кучли клуб. Уларни ҳар тарафлама ўрганиб чиқишга ҳаракат қилдик. Етарлича тайёргарлик кўрдик, деб ўйлайман. Барчасини эртага майдонда билиб оламиз.
Рўзиқул Бердиев катта тажрибага эга мураббий. Унга ҳамма ишонади. Мураббий учун энг керакли нарса шу. Бердиевнинг жамоаси доим паслар билан яхши ўйнай олади. Юқорида таъкидлаганимдек, рақибни яхшилаб ўрганиб чиқдик ва фақат ғалаба учун ўйнаймиз.
Ўзбек жамоалари Осиё Чемпионлар лигасида ҳам яхши ўйин намойиш этишади. “Насаф”га қарши баҳсга тайёргарлик кўришда Арсланмират Аманов билан фикр алмашдик. Рақиб таркибида Бозоров ва Станоевич каби кучли ижрочилар бор. Лекин буларга қарамасдан, фақат ғалаба учун Қаршига келдик”.
Қаршиликлар устози Рўзиқул Бердиев матбуот анжуманида иштирокчиларига миннатдорчилик билдирди ва деди:
“Эртанги беллашувга футболчиларимиз ҳар томонлама тайёр. Айтиб ўтишим керакки, рақибимиз “Аҳал” жуда ажойиб жамоа. Турли тактик схемаларда ўйнай олади, техник жиҳатдан кучли футболчиларга эга. Қизиқарли ўйин бўлади, биз бор кучимизни эртанги ўйинда кўрсатиб, ғалаба қозонишимизга тўғри келади.
Туркман жамоалари билан олдин ҳам бир неча маротаба ўйнаганмиз. Туркманистон миллий жамоасининг ўйинларини кўп кузатамиз. Улар ҳам техникага таянади, тактик кучли футбол кўрсатади, тезкор футболчилари бор...
Мен жамоанинг ичидан туриб айта оламанки, ОФК Кубоги учрашувига жамоамнинг кайфияти максимал даражада тайёр. Жамоамизга янги келиб қўшилган Андрия Калудерович ҳам яхши киришиб кета олди. Машғулотларда ишламоқда ва ушбу беллашувда “Насаф”га ёрдам бермоқчи. Эртага энг тайёр футболчиларни майдонга ташлаб, керакли натижага эришишга ҳаракат қиламиз...”
