Коронавирусдан вафот этганлар сони 39 минг нафардан зиёд, деб хабар бермоқда “ТААС”, жаҳон соғлиқни сақлаш ташкилотининг маълумотига таяниб.
Энг ёмон эпидемик вазият Америка қитъасида кузатиляпти. 5 октябрдан 11-октябргача бўлган даврда минтақада 804 минг нафардан ортиқ одам касаллик юқтирди ва уларнинг умумий сони 17,79 миллиондан ошди.
Сўнгги бир ҳафта ичида Европада бир ҳафта аввалгига қараганда 34 фоиздан кўпроқ одамда инфекция тасдиқланган. Биринчи ўринда Буюк Британия — 110 минг, иккинчи ўринда Франция — 110 минг, учинчи ўринда Россия — 83,5 минг, тўртинчи ўринда Испания — 50 минг, бешинчиси Нидерландия — 36 мингдан ортиқ одамда натижалар мусбат кўрсатган.
Эслатиб ўтамиз, 5 октябрдан бошлаб Москвада иш берувчилар камида 30 фоиз ходимлар, 65 ёшдан ошган ва сурункали касалликка чалинганларни масофадан ишлашга ўтказишлари керак. 5-октябрдан касалланишни камайтириш учун Россия пойтахтидаги аксарият мактабларда режалаштирилган кузги таътил бошланди, болалар боғчалари одатдагидек ишламоқда.
28 сентябрдан бошлаб 65 ёшдан ошган ва сурункали касалликка чалинган россияликлар уйда қолиш тартибига риоя қилишлари шарт, чунки бу тоифа коронавирус инфекциясига нисбатан энг заиф ҳисобланади.
