Унинг айтишича, сўнгги ҳафталарда вужудга келган мураккаб вазият туфайли касалхоналар ортиқча юкланиш хавфи остида. Зарарланиш сонини камайтиришнинг энг тезкор усули бу — турли чекловларни жорий қилишдир.
“ЖССТ бу борадаги ишларга албатта ўз ҳиссасини қўшади ва керакли тавсияларни беради”, дея қўшимча қилди Вуйнович.
Эслатиб ўтамиз, 20-сентябрь куни Мелита Вуйнович Россия Федерациясида коронавирус туфайли чекловларни қайта киритиш шарт эмаслигини айтганди.
ЖССТ ўтган ҳафта давомида дунёда 2 миллион нафардан ортиқ одам коронавирус билан касаллангани, 39 минг нафар бемор вафот этгани ҳақида хабар берган эди.
Пандемия бошланганидан буён 34,8 миллион нафар киши COVID-19 га чалинган, 1 миллион нафардан ортиқ одам касаллик қурбонига айланди.
