CNN телеканалининг маълум қилишича, АҚШнинг Калифорния штатида 31 июль, жума куни бошланган ёнғин ҳамон тўхтагани йўқ, саккиз мингга яқин одам ёнғин жойидан эвакуация қилинган.
Маълум бўлишича, ўрмонда чиққан мазкур ёнғин беш гектар майдонни қамраб олган. Табиий офатни бартараф этиш учун 375 қутқарувчи, вертолёт ҳамда бульдозер жалб қилинган.
Ёнғинни бутунлай ўчиришга кучли шамол ва иссиқлик халал бермоқда. Кун давомида штатдаги ҳарорат 41 даражага кўтарилган. Талафотлар ҳақида маълумот йўқ.
