Рассомнинг намойиш этилаётган ижод намуналарида инсонлар ҳаёти, фалсафаси, тарихий мерос, табиат манзаралари, турмуш тарзимиздан лавҳалар акс этган.
Экспозициядан Роберт Авакяннинг рангтасвир, графика жанридаги “Бухоро”, “Тошкент”, “Бурчмулла”, “Кумушкон”, ҳайкалтарошликка оид “Она ва бола”, “Маҳтумқули”, “Айрилиш”, “Пахлавон”, “Катюша”, “Ёш йигитнинг портрети” каби кўплаб асарлари ўрин олган.
Рассом 1932 йилда Владикавказда туғилган. 1964 йили И.Е.Репин номидаги Ленинград давлат рассомлик, ҳайкалтарошлик ва архитектура институтини тугатгандан сўнг Ўзбекистонга юборилган. Бу ердаги ижодий фаолиятида у Ўзбекистоннинг миллий жиҳатлари, шунингдек, Европа эстетикасини акс эттирган. Унинг қизиқиш доираси хилма хил бўлиб, классик академик шакллардан авангард йўналишигача ҳар бир асари ўзига хос ҳиссиётларга эга. Улар лирика ва туйғуларнинг бойлиги, ўйчанлик ва бепарволик ҳиссиётлари билан тўлдирилган.
Ҳасан Абдуназаров
