Жанубий Кореянинг Каннин шаҳрида юз берган ёнғин туфайли бир неча юз киши эвакуация қилинди. ABC News хабарида айтилишича, ёнғин шаҳарнинг марказий қисмида бошланган. Тезлик билан 550 киши хавфсиз жойлар – мактаб ва муз саройига кўчирилган.
380 гектар майдонни қамраб олган ёнғин туфайли 70 та уй ёниб кетди. Уни ўчиришда уч мингга яқин ўт ўчирувчи иштирок этди. Расмий хабарларга қараганда, бир киши вафот этган, икки ўт ўчирувчи ва яна бир фуқаро турли даражада куйган.
