Дунёдаги энг зўр футболчиларнинг кўпчилиги Европа клубларида тўп суради. Шунинг учун, давогарлар кўплигидан, ҳар йили мавсум якунида қитъанинг энг зўр футболчисини аниқлаш анча қийин бўлади.
Кеча УЕФА ўтган мавсум якунларига бўйича Европанинг энг яхши ўйинчиси номини эълон қилди. Бу номга “Реал” ва Франция миллий жамоаси ҳужумчиси Карим Бензема лойиқ топилди.
У “Реал” ва Бельгия миллий жамоаси дарвозабони Тибо Куртуа ҳамда “Манчестер Сити” ва Бельгия миллий жамоаси ярим ҳимоячиси Кевин де Брюйнени ортда қолдирди.
Франциялик 34 ёшли ҳужумчи ўтган мавсум Мадрид клуби билан Ла Лига чемпиони, УЕФА Чемпионлар лигаси ғолиби, Европа Суперкубоги соҳиби бўлди. Шунингдек, 15та гол билан ЕЧЛ тўпурарига айланди.
