Ғарбий Виржиния университети олимлари 270 нафар аёл иштирокида тажриба ўтказишди. Қатнашчиларнинг биринчи гуруҳи умуман стоматологга мурожаат қилмаган. Қолган қисми эса тиши оғриганда керакли муолажани олган.
Иккала гуруҳдагиларнинг мия фаолияти тестлар ёрдамида текширилди. Буни қарангки, биринчи гуруҳдагиларнинг хотираси иккинчи гуруҳдагиларникига қараганда паст эканлиги маълум бўлди.
Тромс, Стокгольм ва Умейск шаҳри университетлари олимлари олиб борган тадқиқотлар шуни кўрсатдики, тиш йўқотилиши миянинг узоқ муддатли хотира учун жавобгар бўлган қисми фаолиятининг секинлашишига олиб келади. Шунинг учун агар оғиз бўшлиғи саломатлигига жиддий эътибор берилса, гиппокамп фаолиятидаги бузилишларнинг олдини олиш мумкин.
Тадқиқот 55 ёшдан 80 ёшгача бўлган 273 нафар инсон ўртасида ўтказилди. Қатнашчиларга мия фаолиятини баҳолашга қодир турли тестлар таклиф этилди ҳамда уларнинг оғиз бўшлиғи кўрикдан ўтказилди. Аниқланишича, оғиз бўшлиғида кўпроқ соғлом тишлари сақланган инсонлар мия фаолияти бўйича энг яхши натижаларни кўрсатишган. Агар инсонда 20 тадан ортиқ тиш сақланган бўлса, уларнинг хотиралари тишларини анча аввал йўқотган беморларга нисбатан яхши бўлган.
Тишнинг хотирага қандай алоқаси бор дерсиз? Оғиз орқали организмга турли бактериялар тушади. Улар орасида мия фаолиятига салбий таъсир қиладиганлари ҳам талайгина. Ана шулар хотира ва диққатни жамлашга халал беради.
