“Бавария” бундеслиганинг 15-тури доирасида “Альянц-Арена” стадионида “Штутгарт” устидан 3:0 ҳисобида ғалаба қозонди. Ғолиблар сафида Кейн дублга эришди, Ким Мин Чжэ яна бир голга муаллифлик қилди.
Шу тариқа Кейн Германия чемпионатидаги 19 ва 20-голларини урди. У бу натижани атиги 14 та ўйинда қайд этди. Бундеслига тарихида ҳеч бир футболчи бундай кам ўйинда 20 та гол урган эмас.
Шу тариқа, англиялик футболчи 21 ўйинда бу кўрсаткичга эришган Уве Зеелерни (“Гамбург”) ортда қолдирди. Тарихдаги учинчи натижа Дортмунднинг “Боруссия” клуби собиқ ҳужумчиси Эрлинг Холандга тегишли – 22 учрашувда 20 та гол.
Бундан ташқари, Кейн 2023 йилда клуб ва терма жамоа учун голлар сони бўйича биринчи ўринни эгаллади – унинг ҳисобида 51 та гол бор. У Эрлинг Холанд (“Манчестер Сити”) ва Криштиану Роналду (“Ал-Наср”) дан ўзиб кетди – ҳар иккиси ҳам 50 тадан гол урган. “ПСЖ” ҳужумчиси Килиан Мбаппе ҳисобида 49 та гол бор, деб хабар беради vesti.kz.
