Forbes дунёнинг энг кўп ҳақ тўланадиган спортчилари рейтингини эълон қилди. Рўйхатнинг биринчи ўрнидан ПСЖ ва Аргентина миллий жамоаси футболчиси Лионел Месси жой олган. У 130 миллион доллар ишлаган. Бундан 75 миллион доллари маоши бўлса, қолган 55 миллион доллари ҳомийлик ва реклама шартномалари тўловлари.
Кейинги ўринларни “Лос-Анжелес Лейкерс” баскетболчиси Леброн Жеймс (121 миллион доллар) ва “Манчестер Юнайтед” футболчиси Криштиану Роналду (115 миллион доллар) эгаллаган.
Шунингдек, футболчи Неймар, баскетболчилар Стефен Карри ва Кевин Дюрант, теннисчи Рожер Федерер, боксчи Саул Алварес, америкача футбол вакили Том Брэйди ва баскетболчи Яннис Адетокунбо энг кўп пул оладиган ўнталикка кирган.
