Бугун Киночилар уйида Кинематография агентлиги ва Миллий кинематографияни ривожлантириш Маркази ҳамкорлигида 8 март — Халқаро хотин-қизлар куни муносабати билан байрам тадбири бўлиб ўтади.
Тадбир аввалида анъанага кўра, таниқли кино ва эстрада юлдузлари "қизил йўлак"дан ўтишади. Сўнгра кеча меҳмонлари учун Токио-2020 ёзги Паралимпия ўйинлари чемпиони Сафия Бурханова матонати ҳақида ҳикоя қилувчи "Матонат мактаби" қисқа метражли фильми ҳамда Агентлик буюртмасига биноан яратилган “Аёл қалби” бадиий фильмларининг катта премьераси ўтказилади. “Аёл қалби” фильмининг постановкачи режиссёри Жамилахон Пўлатова.
Шунингдек, байрам тадбирида меҳмонлар учун таниқли эстрада юлдузлари иштирокида концерт дастури тақдим этилади.
Тадбир 18:00 да бошланади, барча аёллар, киноижодкорлар, ОАВ вакилларини таклиф этамиз!
Кинематография агентлиги Ахборот хизмати
