Англиянинг “Ливерпуль” клуби кейинги йилларда жоҳоннинг энг кучли жамоларидан бирига айланди. Бунда жамоа бош мураббийи Юрген Клоппнинг хизматлари катта, албатта. У 2015 йилдан буён мерсисайдликларни бошқармоқда. Ўтган йилларда клуб Клопп бошчилигида 5та совринни, жумладан, Англия чемпионлиги ва ЕЧЛ ғолиблигини қўлга киритди.
Шу боис клуб мутасаддилари немис мутахассиси билан шартномани узайтиришга қарор қилишди. Шартнома шартлари ҳозирча маълум қилмаган бўлса-да, инглиз нашрлари Клопп ва унинг мураббийлар штаби билан келишув 2026 йилга қадар узайтирилганини айтишмоқда.
ОАВ хабарларига қараганда, шу пайтга қадар 54 ёшли мураббий йилига 10 миллион фунт стерлинг маош олган.
