Бу ҳақда полиция раҳбари Карлос Триана маълум қилган.
“Бугун полиция ва Колумбия учун мотам куни. Терроризм 12 жасур полициячининг ҳаётдан олиб кетди ва тўрт нафарини майиб қилди”, деб ёзди Триана, Х ижтимоий тармоғида. Олдинроқ саккиз киши ҳалок бўлгани, саккиз киши жароҳатлангани хабар қилинганди.
Вертолёт 21 август куни Амальфи муниципалитетида, Антиокия департаментида уриб туширилди. Вилоят губернатори Андрес Жулианнинг сўзларига кўра, жангарилар дронлардан фойдаланган.
Шу куни Колумбиянинг Кали шаҳридаги авиабаза яқинида теракт содир этилди. Сўнгги маълумотларга кўра, юк машинасининг портлаши оқибатида ҳалок бўлганлар сони 5 нафарга етган, 36 киши жароҳатланган. Мамлакат Президенти Густаво Петронинг сўзларига кўра, теракт уюштиришда “Марказий қўмондонлик” ҳам гумон қилинмоқда.
Гуруҳ 2016 йилда тинчлик битими имзоланганидан кейин тарқатиб юборилган “Колумбия инқилобий қуролли кучлари”нинг собиқ исёнчилари томонидан тузилган, деб хабар берди oxu.az.
