Бош прокуратура ҳузуридаги Департаментнинг Сурхондарё вилояти бошқармаси томонидан ўтказилган терговга қадар текширувда «К.М.» нодавлат таълим муассасаси таъсисчиси Х.Ш. ва бошқалар ўзаро тил бириктирган ҳолда фуқароларнинг ишончига киргани маълум бўлди.

Тергов маълумотларига кўра, улар республиканинг олти вилоятида яшовчи 63 нафар фуқарога Жанубий Кореяга ишга жўнатишни ваъда қилиб, жами 408 минг 800 АҚШ долларини фирибгарлик йўли билан қўлга киритган.

Қайд этилишича, асосий гумондор муқаддам судланган шахс ҳисобланади.

Мазкур ҳолат юзасидан Жиноят кодексининг 168-моддаси — фирибгарлик билан жиноят иши қўзғатилган. Ҳозирда тергов ҳаракатлари олиб борилмоқда.