Мутахассисларнинг таъкидлашича, COVID-19га қарши иммунитет қандай кечаётганлигини англаш самарали даволаш усуллари ва профилактика вакцинасини ишлаб чиқиш учун жуда муҳимдир. Агар вақт ўтиши билан антитаначалар пасайиб кетса, демак, бу эмлаш натижасида ҳосил бўлган иммунитет ҳам йўқ бўлиб, эмлашнинг самарасиз эканлигини кўрсатади ёки қайта эмлашни талаб қилади.
Хитойнинг Нанкин университети тиббиёт факультети олимлари 7 ҳафта ичида 19 нафар ўртача ва 7 нафар оғир беморларни касаллик бошланган дастлабки кундан бошлаб коронавирусга қарши иммунитет ҳолатини кузатди. Мутахассисларнинг таъкидлашича, кўпчилик беморларда вирусга қарши антитаначалар ишлаб чиқилган. Аммо бир оз қисм беморларда антитаначаларнинг нейтраллаш фаоллиги кучли даражада, тахминан ҳар бешинчи кишида эса иммунитет умуман пайдо бўлмаган.
PLOS Pathogens журналида чоп этилган тадқиқотда, тузалиб кетган беморларда 3-4 ҳафта ўтгач, антитаначаларнинг нейтраллаш фаоллиги сезиларли даражада пасайган, деб ёзади газета.
COVID-19 билан касалланганларда танадаги Sars-CoV-2 билан махсус боғланган, антитаначаларни ишлаб чиқарадиган мослашувчан реакцияларни тушуниш самарали даволаш ва профилактика вакциналарини ишлаб чиқиш учун асосий маълумотни беради, деб тушунтиради тадқиқотчилар.
Лондон Қироллик коллежи томонидан ўтказилган аввалги тадқиқот шуни кўрсатдики, 96 иштирокчининг 60 фоизида инфекция чўққисида COVID-19га қарши “кучли” иммунитет пайдо бўлган, аммо 3 ойдан сўнг бу кўрсаткич 17 фоизга тушиб қолган.
