“Агар бу касаллик билан бугун қўлга киритган билимимиз ёрдамида тўқнаш келганимизда эди, Швеция ва бутун дунёда унга қарши курашиш бўйича амалга оширилган ишларнинг ўртасини танлаган бўлардик”, деди у.
Швеция Европа Иттифоқи давлатлари орасида эпидемияни олдини олиш учун ўз-ўзини ҳимоя қилиш тартибини киритмаган ҳамда мактаб ва жамоат жойлари фаолиятини тўхтатмаган ягона давлат ҳисобланади. Пандемия бўйича миллий стратегияни ишлаб чиқувчилар аҳоли ўртасида жамоавий иммунитет шаклланмагунча ёки зарур вакцина пайдо бўлмагунча соғлиқни сақлаш тизимида юкламанинг ортиб кетишининг олдини олиш мақсадида коронавируснинг секин тарқалишидан умид қилган эди.
Швеция 50 кишидан ортиқ иштирокчи қатнашадиган оммавий тадбирларни тақиқлаганди. Аммо ресторанлар, савдо уйлари, спорт клублари ва мактаблар ишлашда давом этганди.
Bloombergда ёзилишича, Тегнелл ушбу стратегиянинг муаллифи ҳисобланади — унга эпидемияга қарши чора-тадбирларни ишлаб чиқиш бўйича ҳукумат топшириқ берган эди.
Швециянинг собиқ бош эпидемиологи Анника Линда олдинроқ Тегнелнинг мазкур стратегиясини қўллаб-қувватлаганди, бироқ кейин эса “швед генералининг коронавирус билан жанг” стретегияси омадсизликка учраганини маълум қилди. Унинг айтишича, вориси Андерс Тегнелльнинг мамлакатдаги ўлим кўрсаткичлари баландлиги тўғрисида қилаётган маърузаларини ҳар куни кузатиб бораяпти.
Шундан сўнг у Швеция тўғри йўл тутганига ишончи комил эмаслигини маълум қилди: «Швеция ҳам Дания ва бошқа Европа мамлакатлари қилгани каби шу йилнинг март ойида жамоат жойларини ёпиши керак эди. Аввал бошиданоқ бизда инвекция жуда ҳам тез тарқалаётганди. Зарурий чораларнинг кўрилмаганининг жиддий оқибатларга олиб келгани ўлим кўрсаткичларида акс этиб турибди», — дейди у Berlingskга берган интервьюсида.
