Шунингдек, Ўзбекистоннинг Бишкекдаги элчихонаси билан ўзаро мулоқот натижасида 240 нафар Қирғизистон фуқаросининг чегара орқали ўтишига кўмаклашилди. Шундан 80 нафари вояга етмаган болалардир.
Карантин чоралари жорий этилганидан буён юртдошларимизнинг давлатлараро чегаралар орқали ҳаракатланиши билан боғлиқ муаммоларни ҳал этишга кўмаклашиш мақсадида элчихонада ташкил этилган Тезкор штаб фаолияти 24 соатлик тартибга ўтказилди.
Элчихонанинг консуллик бўлимига ташриф буюрувчилар билан ижтимоий масофа сақлаш бўйича чора-тадбирлар белгиланди. Шунингдек мамлакатмизда ҳукуматимиз томонидан СОVID-19 тарқалишининг олдини олиш, ижтимоий ҳимояга муҳтож фуқароларга ёрдам кўрсатиш бўйича қабул қилинаётган чора-тадбирлар мазмун-моҳияти ватандошларга тезкорлик билан етказилмоқда. Бундан ташқари ижтимоий тармоқлардаги каналлар орқали онлайн тарзда ҳозирги эпидемиологик вазиятда тартиб қоидаларга амал қилиш ва улар Ўзбекистонга қайтгандан кейин 14 кунлик мажбурий карантинда бўлишлари кераклиги тушунтирилмоқда.
Қирғизистон Республикаси Ташқи ишлар вазирлиги кўмагида Ўзбекистон фуқароларининг мамлакатда рўйхатдан ўтиш муддатларини 1 июлга қадар узайтириш ва уйга қайтиш учун «яшил йўлак» яратиш билан боғлиқ муаммолар амалий жиҳатдан ҳал қилинди.
Айни пайтда турли сабабларга кўра, 800 километр узоқликда, Қирғизистоннинг жанубий вилоятларидан қуруқлик йўли орқали ватанга қайтиш имконига эга бўлмаган фуқароларнинг чартер рейс билан Ўзбекистонга қайтишларига кўмаклашиш мақсадида улар рўйхатлари шакллантирилмоқда.
Маълумот учун, ўтган бир сутка давомида Қирғизистонда коронавирусга чалиниш билан боғлиқ 250 ҳолат қайд этилди. Мамлакат миқёсида вирусга чалинганларнинг умумий сони 4 минг 204 тани ташкил қилмоқда. Шундан, 2 минг 112 киши касалликдан бутунлай соғайган, 43 бемор эса вафот этган.
