Россия Федерациясида сентябрь-октябрь ойларида коронавирусга қарши оммавий эмлашни бошлаш режалаштирилган. Тиббиёт фанлари доктори, иммунолог Владислав Жемчугов одам қандай шароитларда эмлашни рад этиши мумкинлиги ҳақида Sputnik радиосига айтди.
Юқори тана ҳарорати ва ОРВИ касаллиги аломатлари бўлган одамларга инъекция қилиш керак эмас. Бундан ташқари, бир кун олдин спиртли ичимлик ичган одамлар ҳам уни қабул қилмайди. Эмлашдан камида бир кун олдин спиртли ичимликлардан воз кечишингиз керак.
Владислав Жемчугов, шунингдек, инъекциядан олдин нимага эътибор қаратиш кераклигини маслаҳат берди.
«Вакцинанинг амал қилиш муддатини сўрашингиз, у сақланадиган музлатгичда ҳароратни кўришингиз керак. Совутгичда у +4 даражадан юқори бўлмаслиги лозим. Шунингдек, шифокор тиббий қўлқоп кийганми ёки йўқлигини, унинг бир мартали ишлатиладиган шприцни тўғри ишлатишини текшириш зарур. Умуман олганда, эмлаш нафақат ҳамшира, балки шифокор томонидан ҳам амалга оширилса мақсадга мувофиқ бўлади», — дея таъкидлади шифокор.
