Жорий йил охирида Қатарда футбол бўйича навбатдаги жаҳон чемпионати бўлишидан хабарингиз бор, албатта. Кеча ушбу тўрт йилликнинг энг йирик мусобақасида иштирок этадиган сўнгги жамоа аниқланди. Доҳада ташкил этилган баҳсда КОНКАКАФ вакили Роста-Рика Океания минтақаси ғолиби Янги Зеландия жамоаси билан учрашди.
Ўйиннинг учинчи дақиқасида Коста-Рика футболчиси Кэмпбелл рақиблар дарвозасини ишғол қилди ва 1:0 ҳисоби ўйин охиригача ўзгармади. Шундай қилиб, коста-рикаликлар чемпионатнинг сўнгги иштирокчисига айланди.
Шу ўринда таъкидлаш лозимки, Коста-Рикада бу ўйинга жуда катта эътибор берилди. Мамлакат президенти Родриго Чавес тушлик вақтини узайтириб, матчни томоша қилиш имконини берувчи фармон чиқарди ва давлат хизматчилари иш вақтида ўйинни томоша қилди.
