Мақсад университет талабалари ўртасида крикет спорт турини оммалаштириш, шу орқали иқтидорли спортчи ёшларни кашф этиш, крикет бўйича мусобақалар ташкил этиш.
Меморандумни имзолаш тадбирида Ўзбекистон крикет федерацияси раиси Азиз Михлиев, университетнинг илмий ишлар ва иновациялар бўйича проректори Комил Баязитов, гандбол, теннис, бадминтон назарияси ва услубияти кафедраси мудири Шуҳрат Тўлаганов, проффесор-ўқитувчилар, талабалар ҳамда оммавий ахборот воситалари вакиллари иштирок этди.
Федерация ва университетнинг ўзаро келишуви доирасида крикет бўйича мутахассисларини жалб этган ҳолда қисқа ўқув кўрсларини ташкил этиш, крикет спорт турига оид илмий рисолалар чоп этишни йўлга қўйишга ҳам келишиб олинди.
– Крикет спорт тури мамлакатимизда ҳали янги спорт турлари қаторига киради, аммо биз уни ёшлар орасида оммалаштириб, кўп ютуқларга эришамиз. Шунингдек, крикет спорт турини ривожлантириш орқали туризмга ҳам кенг йўл очамиз. Осиё ўйинларида иштирок этиш режамиз ҳам бор, – деди Азиз Михлиев.
Таъкидлаш жоиз, Ўзбекистон крикет федерацияси мамлакатимизда 2019 йил ноябрь ойидан фаолиятини бошлаган.
