Бошқарув раиси Меҳриддин Абдуллаевнинг топшириғига асосан, “Kучлик нефть базаси” МЧЖда автоматлаштирилган тизимни жорий этиш бошланган эди.
“Кучлик нефть базаси” МЧЖнинг тайёр маҳсулот паркларида нефть маҳсулотларининг ҳисобини олиш автоматлаштирилган бошқарув тизими (АСКУНН)ни жорий этиш тўлиқ якунланди.
“Кучлик нефть базаси”даги сиғимларда тайёр нефть маҳсулотлар вертикал ва горизонтал сиғимларга ўрнатилган замонавий программалаштириш имкони мавжуд бўлган “Альбатрос“ АЖ компаниясининг бошқарув контроллерлари, шкафлари, сатҳ, босим, гидростатик босим, ҳарорат ўлчаш асбоблари ўрнатилди.
Шундан сўнг, диспетчерлик хизматига онлайн режимга чиқарилди ва “Kучлик нефть базаси” МЧЖда автоматлаштирилган тизим жорий этилди.
Ҳозирда бу тизим орқали нефть базасидаги барча маълумотлар “Ўзбекнефтгаз” АЖ Марказий диспетчерлик хизмати тизимига онлайн режимига чиқарилди.
Таъкидлаш керакки, автоматлаштирилган тизим ўрнатилгани натижасида нефть маҳсулотлари ҳисобини юритишда тўлиқ аниқликка эришилди.
Шунингдек, маҳсулотлар сифатини яхшилаш ва оператив бошқарувда қулайликларга эришиш ҳам таъминланди.
“Ўзбекнефтгаз” АЖ Матбуот хизмати
