Гувоҳларнинг сўзларига кўра, футболчи Прати ҳудудидаги чорраҳада трамвайга бориб урилган Land Rover йўлтанламас автомашинасини бошқарган. Зарба шунчалик кучли бўлганки, автомобилнинг олд қисми бутунлай зарарланган ва трамвай эса рельсдан чиқиб кетган.
Спортчининг ўзи жароҳат олмаган, бироқ қўли оғриётганини айтган. 2020 йилда Италия тема жамоаси сафида Европа чемпиони бўлган футболчининг автомобилида унинг қизи ҳам бўлган, унинг ҳам аҳволи яхши. Аммо трамвай ҳайдовчиси ва яна икки йўловчи тан жароҳати билан касалхонага ётқизилган.
Воқеа жойига ўз вақтида етиб келган тез ёрдам ходимлари ва полиция ҳодиса сабабларини ўрганмоқда. Гувоҳларнинг сўзларига кўра, трамвай чоррахада светофорнинг қизил чироғида ўтган, дейилади mir24.tv сайтида.
