“30 — “Барселона”даги илк рақамим эди. Шунча йил ўтиб “ПСЖ”га ўтганимдан кейин кўнглимдан янги кечинмалар ўтяпти”, дейди Месси ўз интервьюсида.
Қизиғи шундаки, Франция 1-лигасида 30 рақами дарвозабонларга бириктирилган. Бироқ лига раҳбарияти истисно тариқасида Мессининг ушбу рақамни танлашига монелик қилмади.
Эслатиб ўтамиз, Мессининг “Барселона” билан шартномаси муддати 30 июнь куни тугаганди. Унинг “Барселона” билан янги шартнома тузмагани 5 август куни маълум бўлганди.
