Марказий банк тарқатган маълумотларга кўра, ушбу кўрсаткич 2025 йилнинг мос давридаги 551,4 миллиард сўмга нисбатан қарийб 42 фоизга ошган.

Шунингдек, ломбардлар томонидан ажратилган кредитлар ҳажми ҳам ўсиш қайд этган. Хусусан, 2025 йилдаги 451,5 миллиард сўмдан 2026 йил 1 апрель ҳолатига 663,6 миллиард сўмга етган. Бу эса кредитлаш йўналиши ломбардлар фаолиятининг асосий сегменти бўлиб қолаётганини кўрсатмоқда.

Жами капитал ҳажми 459,8 миллиард сўмдан 625,5 миллиард сўмгача ўсиб, 36 фоизлик ўсиш қайд этилган. Мутахассислар фикрича, устав капиталининг ошиши ломбардлар фаолияти ўз маблағлари ҳисобидан ҳам кенгайиб бораётганини англатади.

Бундан ташқари, мажбуриятлар ҳажми 91,6 миллиард сўмдан 159,2 миллиард сўмга етган бўлиб, бу 74 фоизлик ўсишни ташкил этган. Қайд этилишича, мажбуриятларнинг асосий қисми кредитлар ва қарзлар ҳиссасига тўғри келмоқда.