Ўзбекистон Республикаси Вазирлар Маҳкамасининг 2024 йил 5 декабрдаги "Уй қамоғи эҳтиёт чораси қўлланилган ва озодликни чеклаш жазоси тайинланган шахсларни электрон браслет орқали масофадан туриб назорат қилиш тартиби тўғрисидаги низомни тасдиқлаш ҳақида"ги ВМҚ-813-сонли қарори қабул қилинди.
Ички ишлар вазирлиги Жамоат хавфсизлигини таъминлаш илмий-амалий тадқиқот маркази томонидан ишлаб чиқилган билагузукларнинг синовлари барча ҳудудларда муваффақиятли ўтказилди.
Низомда электрон билагузук тақиши шарт бўлган шахсларнинг ҳуқуқ ва мажбуриятлари, электрон билагузук орқали масофадан бошқариш тартибини бузганлик учун жавобгарлик, шунингдек, электрон билагузук шикастланган ёки йўқолган тақдирда моддий зарарни қоплаш тартиби назарда тутилган.
Унга кўра, Ўзбекистонда 2025 йил 1 январдан бошлаб электрон билагузуклардан фойдаланган ҳолда маҳкумларни масофадан туриб кузатиш амалиётини босқичма-босқич жорий этиш бошланади.
Электрон билакузуклар уй қамоғида ёки озодликни чеклаш жазосини ўтаётган шахслар учун қўлланилади. Қурилмалар пастки оёққа ёки керак бўлса, билакка кийилади. Билагузуклар Ички ишлар вазирлигининг Илмий-амалий тадқиқотлар маркази томонидан ишлаб чиқилган бўлиб, барча ҳудудларда муваффақиятли синовдан ўтказилди.
Ҳужжат маҳкумларнинг ҳуқуқ ва мажбуриятларини, билагузуклардан фойдаланиш тартибини, шунингдек, уларни шикастлаганлик, йўқотганлик ёки тақишдан бош тортганлик учун жавобгарлик чораларини тартибга солади.
Билагузукдан воз кечиш, уни шикастлаш ёки ўз вақтида заряд қилмаслик каби кийиш тартиби бузилган тақдирда, қоидабузар биринчи навбатда расмий огоҳлантириш олади. Бузилишлар такроран содир этилган тақдирда, маълумотлар судга юборилади ёки қонун ҳужжатларида белгиланган тартибда интизомий жазо қўлланилади.
