Маккажўхоридан олинадиган ва бензин ўрнида ишлатиладиган биоёқилғи табиатга парник газлар чиқишда бензиндан ҳам хавфли. Бу ҳақда Висконсин университети олимлари тадқиқотига таяниб Bloomberg хабар тарқатди.
Олимларнинг таъкидлашича, маккажўхори биоёқилғиси бу экинни етиштиришда турли ўғитлар ва ифлос сувдан фойдаланилгани учун бензиндан 24 фоиз зарарлироқ.
Қайта тикланувчи ёқилғилар ассоциацияси ходимлари Висконсин университети олимларининг бу хулосасига қўшилмаяпти. Ассоциация раҳбари Жефф Купер вазиятни ўрганиш усулини хато деб айтди. Унинг таъкидлашича, олимлар юқоридаги тадқиқотни ўтказишда, яъни парник газлар ҳажмини ўлчашда сунъий йўлдошдан олинган суратлардан фойдаланган.
АҚШ қишлоқ хўжалиги вазирлиги ҳисоботида эса маккажўхори биоёнилғисида этанол миқдори бензиндагидан 39 фоиз камлиги айтилган.
Айрим тадқиқотчилар фикрича, бу тортишувларнинг ортида биоёқилғи ишлаб чиқарувчилар ва нефтни қайта ишловчи компаниялар ўртасидаги кураш ётибди.
