Делегация аъзолари корхонадаги замонавий ва инновацион ишлаб чиқариш жараёнлари, ишчи-ходимлар учун яратилган шарт-шароитлар ва халқаро стандартларга жавоб берадиган юқори сифатли маҳсулотлар билан яқиндан танишдилар. Меҳмонлар ушбу ташрифдан катта таассурот олганини изҳор қилдилар.
Айтиш жоизки, Фарғона вилояти билан Мисрнинг Кальюбия ҳудуди ўртасида тўғридан-тўғри ҳамкорлик алоқаларини йўлга қўйиш, икки вилоят ишбилармонлари кенгашини ташкил этиш кўзда тутилмоқда. Келгусида Мисрда Ўзбекистон “Савдо уйи”ни ҳамда Фарғона тўқимачилик ва тикув-трикотаж маҳсулотлари ишлаб чиқарувчиларининг логистика омборини ташкил этиш ҳам режалаштирилган
