Олиб борилган тадқиқотлар китнинг ёш пайтида нобуд бўлганини кўрсатди. Шунинг учун олимлар атиги 18 ёшгача яшаган фиръавн Тутанхамон шарафига уни Tutcetus rayanensis деб номлашга қарор қилишди.
Кит базилозавридларнинг энг кичиги бўлиб чиқди. Танасининг узунлиги 2,5 метрга, вазни – 187 килограммга етган.
Базилозавридлар – эоцен даврида мавжуд бўлган, йўқ бўлиб кетган китсимонлар оиласи. Мазкур жониворлар фақат сувда яшаган. Улар ҳали ҳам орқа оёқ-қўлларини сақлаб қолишган, аммо улар анча қисқарган.
Олимларнинг таъкидлашича, китнинг тишлари жуда силлиқ эмал билан қопланган. Бу шуни англатадики, у юмшоқ озуқа – балиқ, каламар, саккизоёқ еган.
42 миллион йил олдин кузатилган глобал исиш мазкур турдаги китлар сонининг камайишига олиб келган бўлиши мумкин, деб хабар беради mir24.tv.
