Археологлар томонидан Луксордаги Дра Абу аль-Нага қабристонида олиб борган қазишмалар пайтида иккинчи ўрта даврнинг ўн учинчи сулоласига мансуб оилавий қабрлар гуруҳи топилди.
Мутахассисларнинг таъкидлашича, мазкур топилма Фива шаҳрининг давоми бўлган энг муҳим қадимий Миср шаҳри ҳақидаги маълумотларга ойдинлик киритади.
Олимлар археологик қазишмалар давомида бир қатор турар-жой биноларини, эрамизнинг II ва III асрларига оид иккита каптар минорасини, шунингдек, ичида қозонлар, сув идишлари, сопол товоқлар, силлиқлаш асбоблари, шунингдек, Рим мис ва бронза тангалари мавжуд бўлган металл ишлаб чиқариш ва эритиш бўйича бир қатор устахоналарни топишди.
