Ҳайвонлар устида олиб борилган олдинги тадқиқотлар шуни кўрсатдики, уйқу сурункали травматик энцефалопатия билан боғлиқ бўлган бета-амилоид оқсиллари ва тау оқсилларини чиқарадиган глимфатик тизимнинг фаоллашувига олиб келади. Ушбу касаллик такрорий мия шикастланиши билан боғлиқ.
Ҳозирда мутахассислар мияси чайқалган спортчиларнинг маълумотларини ўрганишди. Тадқиқотда иштирок этганларнинг уйқуси мия чайқалишидан етти кун ўтгач ва жароҳатдан саккиз ҳафта ўтгач текширилди. Тадқиқотчилар мия чайқалиши кузатилган иштирокчиларда уйқунинг яхшилангани уларнинг тикланишини тезлаштирганини аниқлашди. Бундан ташқари, жароҳатдан кейин саккиз ҳафта давомида уларнинг уйқу сифати яхшиланган.
Келгусида тадқиқотчилар жамоаси қўшимча тадқиқотлар ўтказишни, шунингдек, бошқа нейрофизиологик ва нейрокогнитив кўрсаткичларни ўрганишни режалаштирмоқда, деб хабар беради lenta.ru.
