Кейинги пайтларда Европанинг таниқли ўйинчиларини Саудия Арабистони клубларига таклиф этиш анъанага айланиб бормоқда. Рональду “Ан Наср”да тўп сурмоқда. “Ал Ҳилол” Мессига қанча сўраса, шунча пул тўлашга тайёр.
Энди гал Лука Модричга келди. Журналист Томас Гонсалеснинг ёзишича, Саудия Арабистони клубларидан бири, “Ан Наср” бўлса керак, хорватиялик футболчига йиллик 30 миллион евро маошли таклиф қилган. Лекин Лука бу таклифни рад этган. У Мадридда қолишни истамоқда.
Хабарларга қараганда, Модрич “Реал” раҳбариятидан келишувни узайтириш таклифини кутяпти. Клуб президенти Флорентино Перес эса мавсум якунига яқин бу борада аниқ қарорга келмоқчи.
