Бугун юнон-рум курашчиларимиздан Мўминжон Абдуллаев жаҳон чемпионатининг бронза медали учун гиламга чиқади. 130 килограмм вазнда курашаётган уч карра Осиё ўйинлари ғолибининг бронза медали учун беллашувдаги рақиби ўтиш босқичидаги баҳсдан сўнг аниқланади. Украиналик Олександр Чернецкий ёки руминиялик Алин Чиураруи спортчимизга рақиблик қилади.
Эслатиб ўтамиз, 55 килограмм вазнда курашган Жасурбек Ортиқбоев бронза медалини қўлга киритган бўлса, 82 килограмм вазнда юртимиз шарафини ҳимоя қилган Жалгасбай Бердимуратов жаҳон чемпионатининг кумуш медалига сазовор бўлди. Полвонимиз ҳал қилувчи беллашувда туркиялик Бурхан Акбудакка қарши гиламга чиқди. Афсуски, муросасиз кечган беллашув Акбудакнинг 7:6 ҳисобидаги ғалабаси билан якунланди.
