Пойтахт етакчиси барча инфратузилма тайёрлиги, Гамалея институтидан якуний қарор кутилаётганини тушунтирди. Москва мэри пойтахтда вакцина синовларининг учинчи босқичи учун етарлича кўнгиллилар бўлишига ишонади. Айни пайтда эмлаш синовлари учун 5 минг нафардан ортиқ киши рўйхатдан ўтган.
Сергей Собянин шахсан ўзи аллақачон коронавирусга қарши эмланганини айтди. У ўзини яхши ҳис қилмоқда. Унинг сўзларига кўра, ҳеч қандай асорат сезилмаган, фақат гриппга қарши эмлангандан кейин бўлгани каби енгил бош оғриғи кузатилган.
Россия дунёда биринчи бўлиб, 11 август куни коронавирусга қарши вакцинани рўйхатдан ўтказди, унга “Спутник V” деб ном берилди. Препарат Гамалея маркази томонидан ишлаб чиқилди ва июнь-июль ойларида клиник синовдан ўтказилди. Пойтахтда вакцинанинг 3 босқич синовига 40 минг нафар кўнгилли жалб этилиши режалаштирилган.
