Украина Россия ҳудуди бўйлаб йирик дронлар ҳужуми туфайли Москванинг бир қатор аэропортларида чекловлар жорий этилди.
Вазиятдан келиб чиқиб, Uzbekistan Airways авиақатновларини муқобил аэропортларга йўналтиришга мажбур бўлди, дея хабар беради компания матбуот хизмати.
Хусусан:
- HY9607 Бухоро – Москва (Внуково) авиақатнови Самара халқаро аэропортига;
- HY611Тошкент – Москва (Внуково) авиақатнови Пулково халқаро аэропортига;
- HY9615 Урганч – Москва (Внуково) авиақатнови Пулково халқаро аэропортига;
- HY603 Тошкент – Москва (Домодедово) авиақатнови Урганч халқаро аэропортига йўналтирилди.
Чекловлар олиб ташланганидан сўнг, барча авиақатновлар дастлабки йўналишлар бўйича ҳаракатланишда давом этади.
Хабарда айтилишича, авиакомпаниянинг кейинги авиақатновлари жадвалига ўзгаришлар киритилиши кутилмоқда.
