БААда ўтган футбол бўйича клублар ўртасидаги жаҳон чемпионатида Лондоннинг “Челси” жамоаси ғолиб чиққанидан хабарингиз бор, алабатта. Англияликлар финалда Бразилиянинг “Палмейрас” клубини қўшимча вақтда 2:1 ҳисобида мағлуб этди.
Одатда жамоаси меҳмонда ўйнаган пайтда “Палмейрас” мухлислари ўз стадиони олдида тўпланиб, биргаликда ўйинни томоша қилади. Клублар ўртасидаги финал ўйин пайтида ҳам улар шу анъана давом этди. Лекин бу томоша фожиа билан якун топди. Мухлислар ўртасидаги келишмовчилик туфайли фанатлардан бири иккинчисни отиб қўйди. Хабарларга қараганда, яна 15 нафар мухлис турли даражада тан жароҳати олган.
Сан-Паулу шаҳри полицияси вакилининг таъкидлашича, қуролдан фойдаланиб, бир кишининг ўлимига сабабчи бўлган шахс қўлга олинган ва тергов ишлари бошланган.
