Аниқланганидек, COVID-19 нафақат нафас олиш йўллари касаллиги саналади, вирус ҳам ўпкага, ҳам юрак-қон томир тизимига, ошқозон-ичак тракти ва марказий асаб тизимига зарар етказиши мумкин. Баъзи беморларда касаллик вируснинг мияга кириб бориши туфайли қон томири касаллиги (инсульт)га олиб келади.
Берлин шаҳридаги “Шарите” клиникаси профессорининг аниқлик киритишича, SARS-CoV-2 миянинг нафас олиш функциясини бошқарадиган жойларида топилган, шунинг учун у ерда вирус борлиги ўпка инфекциясидан келиб чиққан ҳолда нафас олиш муаммоларини янада кучайтиради.
