Бу ҳақда Исроил Бош вазири Биньямин Нетаньяху Fox News телеканалига берган интервьюсида маълум қилди.
“Мен у (АҚШ Президенти Дональд Трамп) ҲАМАСни йўқ қилиш вазифасини бажариш учун Америка қўшинларини юбориш ҳақида гапирди, деб ўйламайман. Бу бизнинг мажбуриятимиз. Бу бизнинг ишимиз ва биз бунга тўлиқ содиқмиз”, деди у.
“Ва менимча, у буни молиялаштираман деб айтгани ҳам йўқ. У буни қўшни давлатлар, бой давлатлар қилишини айтди”, дея қўшимча қилди Нетаньяху.
“Аммо ғоя ҳақиқатдан ҳам кетмоқчи бўлган ғазоликларга шундай қилиш имкониятини яратиб беришни назарда тутади. Айтмоқчиманки, бунинг нимаси ёмон? Улар кетишлари, кейин қайтишлари, кўчиб кетишлари ва қайтишлари мумкин. Лекин сиз Ғазони қайта қуришингиз керак”, деди Исроил Бош вазири.
4 февраль куни Трамп Нетаньяху билан Оқ уйда бўлиб ўтган музокаралардан сўнг ўтказган қўшма матбуот анжуманида АҚШнинг “Ғазо секторини олиш” ва ҳудудни “Яқин Шарқ Ривьераси”га айлантириш режасини эълон қилди. Америка етакчиси, шунингдек, анклавдаги фаластинликларни минтақанинг бошқа мамлакатларига жойлаштирилишини айтди ва АҚШ Ғазо секторига қўшин юборишга тайёрлигини маълум қилди, деб хабар беради tass.ru.
