“Neuralink” 2023 йил охирида инсон миясига чипларни жойлаштириш бўйича синовларни бошлайди

Рақамлаштириш 25 июн 2023, 16:01 1 579

2023 йил май ойи охирида AҚШ озиқ-овқат ва фармацевтика идораси “Neuralink” (Илон Маск компанияси)га одамларда мия имплантларини клиник синовдан ўтказишга рухсат берди.

Чиплардан тижорат мақсадларида фойдаланиш учун рухсат олиш учун кўп йиллик синовлар талаб қилинади.

“Neuralink” оёқ-қўллари фалажланган беморларга чипларни имплантация (жойлаштириш) қилишни режалаштирмоқда.

Шу билан бирга, “Neuralink” примат наслига мансуб маймунларда синов пайти қўпол қоидабузарликларга йўл қўйилганлиги юзасидан бир неча бор шикоят қилинган.

Компания ҳайвонларга нисбатан шафқатсиз муносабатда бўлганлиги ҳақидаги даъволарни текширишда давом этмоқда - бундай ҳолатлар 1,5 мингдан ортиқ бўлиши мумкин.