Бюджет ходимлари маошлари тўланишидаги кечикиш UzASBO-2 тизимига ўтишда юзага келган техник носозликлар билан боғлиқ.
Иқтисодиёт ва молия вазирлиги томонидан бюджет ташкилотларида бухгалтерия ҳисобини юритиш бўйича «UzASBO-2» тизимига ўтиш муносабати билан тизимда айрим муаммо ва узилишлар кузатилмоқда.
«Бугунги кунда ушбу носозликларни бартараф этиш юзасидан зарур чоралар кўрилди ҳамда «UzASBO-2» тизими орқали бюджет ташкилотларининг декабрь ойи иккинчи ярми учун 35 фоиз бюджет ташкилотларининг иш ҳақлари молиялаштириб берилиши таъминланди.
Иш ҳақини тўлаш жараёнида «UzASBO-2» тизимининг бир маромда ишлаши учун мутахассислар томонидан мониторинг олиб борилмоқда ва иш ҳақини белгиланган муддатларда (5 иш кунида) молиялаштириб бериш юзасидан зарурий чоралар кўрилмоқда», дейилади вазирлик хабарида.
