Бу ҳақда Ynet портали хабар берди.
Унга кўра, ҳодиса Флорида штатидаги Майами-Бич курорт шаҳрида содир бўлган. Тергов маълумотларига кўра, исроиллик сайёҳлар – ота ва ўғил автомобилда кетаётган эди, ҳужумчи уларнинг машинасига етиб олиб, ўгирилиб, югуриб чиқиб, улар томонга жами 17 марта ўқ узган. Жабрланганлар қочишга ҳаракат қилишган, улардан бири елкасидан, иккинчиси қўлидан ўқ жароҳатини олган, уларнинг ҳаёти хавф остида эмас.
Ҳужум қилган шахс 27 ёшли яҳудий Мордехай Брафман экани маълум бўлди, деб хабар беради Ynet. Воқеа содир бўлганидан сўнг у уйига қайтиб келган ва у ерда тез орада полиция томонидан қўлга олинган. У ҳозир ҳибсда ва қотилликка уринишда айбланмоқда, деб хабар беради oxu.az.
Терговчилар унинг ҳаракатлари сабаблари ҳақида ҳали расман ҳеч нарса дейишмаяпти, бироқ сўроқ пайтида у фаластинликларга қарата ўқ узган деб ўйлаганини ва уларни ўлдирганига ишонганини айтган. “Шуни айтиб ўтиш жоизки, айбланувчи бизнинг сўроқ хонамизда ҳибсда бўлганида ўз юк машинасини ҳайдаб кетаётиб, икки фаластинликни кўрганини ва иккаласини ҳам отиб ташлаганини айтди. Жабрланувчилар ва айбланувчи бир-бирларини танимайди”, дейилади полиция баёнотида.
