Tribuna.uz тарқатган хабарда айтилишича, ОФК расмий сайти Европанинг кучли клубларида ўйнаётган осиёлик бир қатор футболчиларни эътироф этган. Улар орасида “Рома” ва миллий термамиз ҳужумчиси Элдор Шомуродов ҳам бор.
“Элдор Шомуродов Европанинг энг кучли лигаларида ўзбекистонлик ва марказий осиёлик футболчилар нималарга қодир эканлигини исботлаб берди.
2020 йилда Шомуродов Илёс Зейтуллаевдан кейин A Серияда ўйнаган иккинчи ўзбекистонлик бўлиш учун “Женоа”га кўчиб ўтди. Унинг кўк-қизил либосдаги ўйини Жозе Моуриньо эътиборига тушди ва у Италия пойтахтига келди.
27 ёшли футболчи “Рома” сафидаги дебютини “Фиорентина”га қарши ўйинда (3:1) голли узатма билан нишонлади ва мавсумни 39 ўйинда 5 гол ва 6 голли узатма билан якунлади. Май ойида Шомуродов УЕФA турнирида ғалаба қозонган биринчи ўзбекистонлик футболчи бўлди. Унинг финалдаги иштироки ва иккита голли узатмаси римликларга УЕФA Конференция Лигасининг биринчи чемпионлигини қўлга киритишига ёрдам берди”, дейилган ташкилотнинг расмий сайтида.
