Ҳолсизлик, бош айланиши, бош оғриғи, кўнгил айниши, қулоқнинг шанғиллаши, юрак уришининг тезлаши ва ҳаво етишмаслиги офтоб уришнинг дастлабки белгилари саналади. Бу ҳақда умумий амалиёт шифокори ва диетолог Елена Тихомирова айтиб ўтди.
Шифокорнинг қўшимча қилишича, офтоб уриши транспортда ёки кичик ва димиққан хонада ўтирганда юз бериши мумкин. Кўп ҳолларда ташқарига чиқиб ҳаво алмайтирилса, аломатлар йўқолади. Аҳвол 10 дақиқада яхшиланмаса, тиббий ёрдамга мурожаат қилиш ва танани совитиш зарур.
Тихомированинг сўзларига кўра, агар одам ҳушини йўқотган бўлса, имкон қадар тезроқ тез ёрдам чақирилиши керак. Беморни салқин жойга олиб ўтиш, ётқизиш лозим. Агар у ўзига келмаган бўлса, унинг бошини бир томонга қаратиб қўйиш керак.
Офтоб уришнинг олдини олиш учун етарли миқдорда сув ичиш, иссиқда жисмоний фаолликни чеклаш, қуёш қизитадиган пайтда – соат 11:00 дан 16:00 гача кўчага чиқмаслик, енгил ва кенг кийим кийиш тавсия қилди, деб хабар беради mir24.tv.
