Хусусан, 2-сектор раҳбари, туман прокурори ташаббуси билан “AGRO MIR” масъулияти чекланган жамияти қишлоқ хўжалик кооперацияси томонидан 50 нафар йигит-қизга жами 15 гектар ер ажратилиб, экспортбоп қалампир навлари экилганди. Шу билан бирга, туман Аҳоли бандлигига кўмаклашиш маркази 109 млн. сўм миқдорида субсидиялар ҳам ажратганди.
Меҳр билан парваришланган қалампирлар бугун ҳосилга кирди. Айни пайтда ёшлар ўз меҳнатларининг самараси ўлароқ, етиштирилган ҳосилни йиғиштириб олишни бошлашди.
Гектаридан15 тоннадан ҳосил олиш кўзда тутилган бўлиб, кооперация томонидан ёшларга қалампирнинг ҳар бир килоси учун 2 000 сўмдан пул тўланяпти. “AGRO MIR” МЧЖ қишлоқ хўжалик коопорацияси туркиялик ҳамкорлар билан имзолаган шартномага кўра, ҳосилнинг барчаси экспорт қилинади.
